Aplikasi Database Lagu Pujian sudah tersedia. Silahkan klik link berikut.
Aplikasi Alkitab Digital sudah tersedia. Silahkan klik link berikut.
Follow dan subscribe: YouTube, Instagram
---------------------------------------------------------------------------------------------------
1
Di rumang ni portibi on
Sai tong do lilu rohangkon
Hujujur hatigoranki
Hupangasahon burjungki
2
Dung na hutatap Tuhanki
Hutanda hahuranganki
Lam tu balgana i antong
Ai lam huboto dangolhon.
3
Hurangan au di sasude
Sipangasahononhon i
Na so barani rohangkon
Manaringoti diringkon.
4
Marhahurangan saluhut
Sap dosa do sude huhut
Ndang na manahan rohangki
Di jolo ni Debatangki
5
Na gabe tunduk nama au
Tu Tuhan Jesus do au lao
Naung mate Ho di Golgata
PadoMu au tu Debata.
6
Di tingki ni Tuhanta i
Do songgop hatiuron i
Mulai mauas rohangkon
Tarsunggul do hot rohangkon
7
Huhalungunhon Hata ni
Tuhanku Sipangolu i
Na hubege sai hutohoi
Mardongan Tuhan huoloi.
8
Haimbaruon do soluk
Tu halumlamon na so tuk
Mardame do huhilala
Dibaen Jesusku, Debata.
9
Jesusku hatigoranki
Sasada Ho paheanki
Saleleng au di tano on
Nang dung marujung ngolungkon.
0
Ndang na tarhirim au disi
Saleleng ni lelengna i
Asal ngolungkon situtu
Tung Ho, Tuhanku na burju.
Download aplikasi HKBP di Playstore
Aplikasi Database Lagu Pujian sudah tersedia. Silahkan klik link berikut.
Aplikasi Alkitab Digital sudah tersedia. Silahkan klik link berikut.
Follow dan subscribe: YouTube, Instagram
---------------------------------------------------------------------------------------------------
