1<\/p>\n
Na malungun do rohangku tu Ho, o Debatangki<\/p>\n
Ho do na hinaposanku jala haporusanki<\/p>\n
Sasude na ro tu Ho, ndang tarurak bahenonMu<\/p>\n
Nasa na manoisi Ho, i do na pailaonMu.<\/p>\n
2<\/p>\n
Pabotohon ma dalanMu, dohot bogasMi di au<\/p>\n
Asa i ihuthononku, ale Tuhan togu au<\/p>\n
Sian dalan na ture, dohot tu hasintonganMu<\/p>\n
Ho do hatuaonki, tolongMi do paimaonku<\/p>\n
3<\/p>\n
Ingot ma, ale Tuhanku. angka denggan ni basaM<\/p>\n
Naung di au pinasahatMu. dohot asi ni rohaM<\/p>\n
Unang ingot dosangki, na hubahen di posongku<\/p>\n
Sai asi ma rohaMi, ala lambas ni rohaMu.<\/p>\n
4<\/p>\n
Ndang marolat denggan basa, ni Jahowa na bonar<\/p>\n
Diajarhon tu pardosa, dalan angka na tigor<\/p>\n
Na serep marroha i, ditogihon tu na sonang<\/p>\n
Na lambok marroha i, di diboan tu na torang<\/p>\n
5<\/p>\n
Hasintongan, asi roha, do dalanna sasude<\/p>\n
Di sude na burju roha, mangoloi patikNa<\/p>\n
Tuhan, ala goarMi, sesa ma sude dosangku<\/p>\n
Ai mansai godang do i, lobi asa bilanganku.<\/p>\n
6<\/p>\n
Ise do mangkabiari, Debata Jahowa i?<\/p>\n
Halak i do diajari, lao tu hangoluan i<\/p>\n
Sonang do tondina i, dibagasan hasonangan<\/p>\n
Jala pinomparna i, do tumean hasiangan.<\/p>\n
7<\/p>\n
Hasudungan ni Jahowa, do na bonar roha i<\/p>\n
Hahomion ni Tuhanna, jadi do botoon ni<\/p>\n
Sai tongtong do matangki, mangaranap Tu Tuhanku<\/p>\n
Dipalua do pat hi, sian jorgong ni musungku<\/p>\n
8<\/p>\n
Au na punjung jala dangol, tatap ma o Tuhanki<\/p>\n
Ai tu Ho do au masihol, sai palua tondingki<\/p>\n
Tu gandana do tongtong, hagogotan ni rohangku<\/p>\n
Sai palua ma au on, ale Tuhan Debatangku.<\/p>\n
9<\/p>\n
Tatap ma pardangolanku, dohot hangalutanki<\/p>\n
Sesa ma sude dosangku, sai pa pir ma tondingki<\/p>\n
Lam torop do musungki, lam jorbut do pamuraiNa<\/p>\n
Tuhan tatap au disi, asa unang saut tahina.<\/p>\n
0<\/p>\n
Sai ramoti ma tondingku, Tuhan sai palua au<\/p>\n
Ho haposan ni rohangku, unang ma paurak au<\/p>\n
Sai jamot ma tondingki, ala ni halidangonku<\/p>\n
Bangso na pinillitMi, naeng tangkas paluaonMu.<\/p>\n
<\/p>\n