1<\/p>\n
Mauliate dok hamuna, di Debata na basar i<\/p>\n
Sai puji ma denggan basaNa, na so marpansohotan i<\/p>\n
O Israel girgir endehon, ma asi ni rohaNa i<\/p>\n
Na so hea marparujungan, saleleng ni lelengna i.<\/p>\n
2<\/p>\n
Hamu pinompar ni si Aron, gogo ma hatindangkon i<\/p>\n
Dok ma: Saleleng ni lelengna, do asi ni rohaNa i<\/p>\n
Hamu pe, na mangkabiari Jahowa Debatanta i<\/p>\n
Sai dok imbaru ganup ari, do asi ni rohaNa i.<\/p>\n
3<\/p>\n
Ai uju au di hagogotan, joujou do au tu Debata<\/p>\n
Tangiangki do ditangihon, dibaen do hosangki arga<\/p>\n
Jahowa do tongtong donganku, beasa ma mabiar au?<\/p>\n
Tung aha baenon ni alongku, nang manang ise dompak au?<\/p>\n
4<\/p>\n
Tuhanku do na manguluhon, sude na mangurupi au<\/p>\n
Dibahen i ma hutaluhon, luhut na mangkosomi au<\/p>\n
Dumenggan do marhaporusan, tu Debata na sintong i<\/p>\n
Asa tu jolma marhaposan, nang pe tu na rumaja i.<\/p>\n
5<\/p>\n
Parbegu do mangkaliangi, au on mambuat hosangki<\/p>\n
Hape sude do hutanggoi, marhitehite Tuhanki<\/p>\n
Ibana do do hupangasahon, i do umbaen malua au<\/p>\n
Ibana do na niarahon, umbaen marantu monang au.<\/p>\n
6<\/p>\n
Sobokkon loba na marsorop, dihaliangi musu au<\/p>\n
Hape laos songon api mintop, di bulu duri do i lao<\/p>\n
Marhite goar ni Tuhanku, do hutaluhon sasude<\/p>\n
Au na tinggang naeng bahenonna, ditungkol Debata dope.<\/p>\n
7<\/p>\n
Jahowa do hagogoonku, endengku las ni rohangki<\/p>\n
Ibana do hatuaonku, na margogoihon tondingki<\/p>\n
Marolopolop do luhutna, partigor di jabuna be<\/p>\n
SiamunMi do o Jahowa, pamonang naposoM sude.<\/p>\n
8<\/p>\n
Timbul do tangan ni Jahowa, sibahen hamonangan i<\/p>\n
Na tunduk do na jungkat roha, hot jongjong do partigor i<\/p>\n
Ndang mate au, sai na mangolu, do au marhite Tuhanki<\/p>\n
Pajojoronku, o Pangolu, ma saluhut pambaenanMi.<\/p>\n
9<\/p>\n
Tutu, gogo do dipinsangi Jahowa au, alai laos tong<\/p>\n
So mate au, ai disondangi, denggan basaNa au tongtong<\/p>\n
Sai ungkap bahal hatigoran, di au, ai naeng do au tusi<\/p>\n
Lao mangalehon hasangapon, di Sipalua tondingki.<\/p>\n
0<\/p>\n
Dison do bahal ni Jahowa, bongotan ni partigor i<\/p>\n
Lao pasangaphon Debatana, di serep ni rohana i<\/p>\n
Mauliate ma rohangku, di Ho na asi roha i<\/p>\n
Na mangalusi tangiangku, mambahen hatuaonki.<\/p>\n
1<\/p>\n
Ianggo batu binolongkon, ni angka pande bagas i<\/p>\n
Jahowa do na pajongjongkon, baen batu na di suhi i<\/p>\n
Na pinatupa ni Jahowa, do i na longang situtu<\/p>\n
Do roha ni na marnidasa, huhut marsomba be burju.<\/p>\n
2<\/p>\n
Nuaeng ma ari na dumenggan, binaen ni Debatanta i<\/p>\n
Dibahen i ma tapadenggan, nuaeng parendeonta i<\/p>\n
Tumpahi hami ale Tuhan, di ari las ni roha on.<\/p>\n
Sai pasupasu ma pambaenan, ni tangannami be tongtong<\/p>\n
3<\/p>\n
Pinasupasu ma Rajanta, na ro marhite goar ni<\/p>\n
Jahowa Tuhan Debatanta, tu hita huriaNa i<\/p>\n
Jahowa, Sidongani hita, do Debata na sintong i<\/p>\n
Antong, tambathon peleanna, tu tanduk ni langgatan i.<\/p>\n
4<\/p>\n
Ho, Debatangku, pujionku, patimbulonku sai tongtong<\/p>\n
Mauliate ma rohangku, di Ho dibaen basaM inon<\/p>\n
Hamu sude pe, ale dongan, dok ma mauliate i<\/p>\n
Ai ndang hea marpansohotan, do denggan ni basaNa i.<\/p>\n
<\/p>\n