1

Sonang do langkalangkangku, lao mamolus tano I,

Ndang boi sirang be rohangku sian Jesus, Tuhanki,

Jala ro pe habahaba manang halisungsung pe

Holan Tuhanki hubereng gabe demak i muse

2

Uju mate Tuhan Jesus di hau pinarsilang i,

Dohot au disi ditobus, ala ni las rohangki.

Dibaen i hibul hulehon daging dohot tondingki.

Tuhan Jesus napunasa, tung so boi be sirang i.

3

Malum au dibaen bugangNa i, ias dibaen mudar i.

Tung na sonang do rohangku, Jesus pardameanki.

Dihosomi jolma ahu insahinsak ndang boi so.

Haleaon ni Tuhanku olo porsanonku do.

4

Jala ho, ale donganku, tongtong loja, sorat ho.

Dohot ho mangido sonang, hatop ma tu Jesus ro.

Holan Jesus pasonangkon rohami na marsak i.

AbingonNa ho, na loja, ro tu ampuanNa i.

Download aplikasi HKBP di Playstore